သစ္စာမရှိသည့်ခေတ်

ပိတောက်ကယ်ရွှေဥ
ပင်ယံထက်မှာ ပွင့်ကြ၏
တန်ခူးလမှာ ပွင့်သည့်ပန်း........။

ပုထုဇဉ်လူသားတွေမှာ
တစ်သက်မှာ တစ်ယောက်
တစ်မျက်နှာ တစ်ယောက်ကယ်လို့
မာကျောတဲ့သီအိုရီနဲ့ ပွင့်ခဲ့၏.......။

ပိတောက်ကယ်ရွှေဥ
အသစ်ဆန်းပြီး
ဝါဆိုလမှာလည်း ပွင့်ကြ၏.......။

ပုထုဇဉ်လူသားတွေမှာ
ဖော်မြူလာသစ်သုံးပြီး
တစ်သက်မှာ တစ်ယောက်လွဲလျှင်
တစ်မျက်နှာတစ်ယောက် ပြောင်းကယ်လို့
နိယာမသစ်ကို တွေ့ခဲ့လို့
မာကျောတဲ့သီအိုရီ ပျောက်ခဲ့၏.........။

ယနေ့ခေတ် ယနေ့ခါမှာ
ပိတောက်သည် သစ္စာမရှိ
လူသားလည်း ဂတိမတည်ခဲ့တာဟာ
လူကပဲ စခဲ့သည်လား...........။
ပိတောက်ကပဲ စခဲ့သည်လား...........။

ပြယုဂ်

ချစ်သူ.......
မခုံမမင် မယုံချင်သော်
ပုံပြင်တစ်ခု ဆိုပါတော့။

ချောင်းတစ်ဖက်ကမ်း ခပ်လှမ်းလှမ်းတွင်
စိမ့်စမ်းရေကြည် ခွေရစ်လှည်လျှက်
မြညှာယှက်၍ ချိုမြွတ်သီးနှံ
ပေါပြည့်လျှံသည့် တောယံတောအုပ်ရှိသတဲ့.......။

သည်တစ်ဖက်ကမ်း ချောင်းရိုးတန်းမှ
ဖြတ်သန်းကျော်လွှား လူတိုင်းသွားရန်
တံတားနှစ်ခု ရှိတယ်ထား။

တံတားတစ်ခု ထုထည်ခိုင်ခံ့
ကြံ့ကြံ့မားမတ် သစ်ဝါးညှပ်၍
သပ်ရပ်တည်ရှိနေပါ၏။
ကျန်တံတားက ၀ါးတိုင်ယိမ်းနွဲ့
ယိုင်ယဲ့ယဲ့နဲ့ လေသွဲ့တိုင်းခါ
လေလာတိုင်းလှုပ် ပြုတ်ကျမလား
ပြိုမလားနဲ့ ချောက်ချားရင်တုန်စရာပေါ့.......။

လူအများက မြသားစိမ်းစို
တောအုပ်ကိုသွား သစ်တံတားမှ
ကျော်လွှားနေကြ စိတ်ချရ၏...။
ဘာမှခတ်ပုံမပေါ် တံတားအိုမှဖြတ်ကျော်ရလျှင်
ချော်ကျနိုင်ပေ စိတ်မအေးပါ
သွားလိုရာကို ဘယ်မှာလွယ်လွယ်ရောက်မှာလဲ.....။

ကဲ.... ကဲ..... ချစ်သူ
လူတိုင်းမသွား စိတ်ချောက်ခြားသည့်
တံတားအိုမှ ဖြတ်ကျော်ကြရန်
ဆန္ဒလည်းရှိ သတိလည်းဖက်
ယုံကြည်ချက်မြဲ စိတ်အေးအေးနဲ့
မင်းလည်း သွားဝံ့ပါ့မလား.........။

မခုံမမင် မယုံချင်မင်း
ပုံပြင်ပဲထား မင်းစဉ်းစား
တံတားအိုက ကိုယ့်ဘ၀၏
ပြယုဂ်တစ်စ ဆိုပါတော့..........။

မျှော်လင့်သစ်ပင်

သူနမ်းလျှင် ပန်းပွင့်ဖြစ်
သူပစ်တော့ ၀ါရွက်ကြွေ...။
မျှော်လင့်ခြင်းဆိုတဲ့ အပင်အောက်
ခင်လျှောက်ရင်း မြင်စေ...။
ပန်းမပွင့်တဲ့ အခန်းဆက်နွေ
အလွမ်းရွက်တွေ ကြွေနေရဲ့...။

အပင်ရင်းမှာတော့
ခင်နင်းလျှင် ရွက်ကြွေပျောက်
ခင်လျှောက်မှ ရွက်ကြွေစင်
ရက်ရှည်ပင် မညှိုးခြောက်သေးပါဘူး
မိုးပေါက်ကလေးလို ခင်သာနမ်းလျှင်
ပန်းပွင့်ဝေ... မတဲ့။

ရင်ထဲ...နွယ်

အစိမ်းခက်ပေမယ့်
စိမ်းရက်ဖို့တော့လိုပြီကွယ်...
တစ်မျှင်ပြတ်လျှင်လည်း
နှစ်ပင်ပတ်ကာ နှစ်ဆတိုးတာက
အချစ်ကြိုးဆိုတဲ့ ရင်ထဲ နွယ်...
မတွေ့ မတွေးပေမယ့်
မမေ့သေးအောင် ခြေရာဟောင်းတွေက
ဝေဒနာဟောင်း အသစ်တွယ်
ချစ်တယ်ဆိုတာက တစ်သက်လုံး
တမင်လွမ်းစရာ
ရှင်ခန်းဖြတ် အပူမျှသူလို့
ယူဆကာ တစ်သက်နာကြည်းပါတော့
ဆက်စရာခရီးဆိုတာ တစ်ယောက်တစ်လမ်းပေမို့
တစ်ယောက်ပန်းလျှင် တစ်ယောက်ကူ
တစ်ယောက်ပူတော့ တစ်ယောက်မျှ
နှစ်ယောက်တစ်ဘ၀
နှစ်ကိုယ့်တစ်စိတ်အတွေးတွေလည်း
ဟို...အတိတ်အဝေးမှာ အသာချန်တော့
ကြမ္မာတစ်ခန်းရပ်က
(တို့နှစ်ယောက်ကို) လွမ်းဇာတ်နဲ့ဆုံး...

ဗူးသီးမှအရီးလာမတော်နဲ့

အမေဆိုတာ

အမေဆိုတာ
သဘာဝကလက်ဆောင်ပေးထားတဲ့
အိုအေစစ်လေးတစ်ခုပါ
သဲကန္တာရထဲမှာ အိုအေစစ်ဟာ
ဘာနဲ့မှမလဲနိုင်အောင်တန်ဖိုးမြင့်သလို
ဘ၀ကန္တာရထဲမှာလည်း
အမေဟာဘာနဲ့မှနှိုင်းလို့မရအောင်
တန်ဖိုးမြင့်ပါတယ်

မေမေ

သားသမီးတွေဘယ်လောက်ဆိုးဆိုး
အပြုံးမပျက်ဆုံးမတတ်တဲ့အမေ
သားသမီးတွေပူစာသမျှကို
လိုတာရအောင်ဖန်ဆင်းပေးခဲ့တဲ့အမေ
တစ်ခုခုအတွက်ဆို
သားသမီးအတွက်ပဲ
အမြဲတမ်းထည့်တွက်ခဲ့တဲ့အမေ
သားသမီးတွေပညာတတ်ဖြစ်ဖို့အတွက်
ရှိတာလေးနဲ့ကျောင်းအပ်ပေးခဲ့တဲ့အမေ
သားသမီးတွေရှေ့ရေးအတွက်
ရတက်မအေးခဲ့တဲ့အမေ
မျှော်လင့်ချက်မပါပဲ
ထာဝရပေးဆက်ခဲ့တဲ့အမေ
သားအဝေးကိုထွက်ခွာသွားတော့လည်း
ပြုံးပြစွာနှုတ်ဆက်လက်ပြလို့ကျန်ခဲ့တဲ့အမေ
အဲဒီနေ့ကသားအမေ့ကိုကန်တော့ပြန်တော့
အမေမျက်ရည်တွေဝဲနေတယ်
အမေ့ရင်ထဲမှာငိုနေတယ်လေ
ဒါပေမဲ့ကျွန်တော့်အတွက်
အပြုံးမပျက်ဟန်ဆောင်ပြုံးပေးခဲ့တဲ့အမေ
အမေ့ကိုသားလည်းသတိရနေပါတယ်အမေ
အမေဟာကျွန်တော့်ဘ၀ရဲ့မီးအိမ်ရှင်ပေါ့
အမေ့ကိုသားအမြဲတမ်းဆုတောင်းပေးနေပါတယ်အမေ
ကျွန်တော်သိပ်ချစ်တဲ့အမေမျက်နှာ
အမြဲတမ်းပြုံးပျော်ရွှင်ပါစေ...