
မိုးဖျားတိမ်တိုက် ၊ ရေ၌ ထင်ဟပ်
နီးစပ်မည့်သွင် ၊ အထင်သက်သက်
မျက်လှည့်ပါခင် ၊ အစဉ်မမြဲနိုင်ပါဘူး။
ရေထဲကငါး ၊ ကြည့်ပါလားခင်
လွင်တီးခေါင်ပေါ် ၊ မြူးပျော်ကူးခတ်
နေတတ်ပါ့မလား။
စံပယ်ဂမုန်း ၊ ကြည့်ပါဦးခင်
ကုန်းခေါင်မာကျစ် ၊ ကျောက်စရစ်မြေ
ကျောက်ဆစ်ကျောက်ချပ် ၊ မိုးခေါင်ရပ်တွင်
ရှင်နိုင်ပါ့မလား...။
အပျော်သက်သက် ၊ သစ်ရွက်ကိုခြွေ
လေလိုပါပဲ ၊ ဖျတ်ကနဲဝင်
အစဉ်မေ့ပျောက် ၊ ခြေရာဖျောက်မှာ
သိနေပါရဲ့ ၊ အလွှာမတူ
မောင့်လိုလူမျိုး ၊ ရွက်ကြွေညှိုးလို့
လွမ်းမိုးစေရမှာပါပဲ...။
ဪ မိုးဖျားက တိမ်
မငြိမ်လှုပ်ရှား ၊ ပြိုမလားပင်
အထင်နှင့်မှန်း ၊ တမ်းတရုံပါပဲ...။
No comments:
Post a Comment